• Forsíða
  • Samtökin
  • Um líknarmeðferð
  • Fréttir og Námskeið
  • Fræðsluefni
  • Lífið

    Fréttir og námskeið

  • Fréttabréf Lífsins

Námsstefna Lífsins - Líknarmeðferð aldraðra - FULLBÓKAÐ

Fullbókað er á námsstefnu Lífsins þann 9.mars. Hægt er að skrá sig á biðlista með því að senda póst á lsl@lsl.is

10. febrúar 2023
Lesa meira

Jólakveðja og fréttabréf

Stjórn Lífsins sendir hugheilar óskir um gleðilega jólahátíð og farsæld á komandi ári. Hér meðfylgjandi er jólafréttabréf.

22. desember 2022
Lesa meira

Alþjóðadagur líknarmeðferðar 8. október 2022 - Að græða hjörtu og samfélög

8. október 2022

Alþjóðlegur dagur líknarmeðferðar er haldinn ár hvert og í ár ber hann upp á laugardaginn 8. október. Markmið dagsins er að vekja athygli á líknarmeðferð og upplýsa um fyrir hvað hún stendur. Í líknarmeðferð er lögð áhersla á heildræna nálgun þar sem leitast er við að mæta líkamlegum, félagslegum, sálrænum sem og andlegum, trúarlegum og tilvistarlegum þörfum fólks. Líknarmeðferð snýr að því að bæta lífsgæði þrátt fyrir ólæknandi, lífsógnandi sjúkdóm. Um leið er áhersla á mikilvægi þess að alvarleg veikindi í fjölskyldu hafa áhrif á alla fjölskyldumeðlimi og því skiptir stuðningur við þau sem standa næst gríðarlega miklu máli.

Á hverju ári er á alþjóðlegum degi líknarmeðferðar sjónum beint að sérstökum viðfangsefnum sem ástæða er til að vekja athygli á. Í ár er yfirskriftin: Að græða hjörtu og samfélög. 

Minnt er á þá sammannlegu reynslu sem sorgin er og hvernig þörfin fyrir að græða sameinar fólk víðs vegar. Covid 19 heimsfaraldurinn olli yfir 6 milljónum dauðsfalla um allan heim. Gríðarlegt álag hefur verið á heilbrigðiskerfi þjóða og hefur faraldurinn orsakað bæði þjáningu og sorg. Einnig hafa stríðsátök gert það að verkum að milljónir fjölskyldna og umönnunaraðila syrgja fjölskyldumeðlimi og vini sem hafa farist, jafnframt því að upplifa félagslega einangrun og eignatjón.  

Lesa meira

Sumarkveðja og fréttabréf lífsins

17. júní 2022

Stjórn Lífsins sendir hlýjar kveðjur til allra félagsmanna og áhugafólks um líknarmeðferð. Eftir stormasaman vetur og farsótt vonum við að sumarið færi okkur sólríka daga, góða hvíld og ánægjulegar stundir með fjölskyldu og vinum. 

Meðfylgjandi er fréttabréf sumarsins 2022.

Lesa meira

JÓLAKVEÐJA OG FRÉTTABRÉF LÍFSINS

9. desember 2021

Kæru félagsmenn og áhugafólk um líknarmeðferð!

Stjórn Lífsins sendir ykkur öllum hugheilar óskir um gleðileg jól og heillaríkt komandi ár! 

Meðfylgjandi er Jólafréttabréf Lífsins!

Lesa meira

Fréttabréf Lífsins sumar 2021

25. maí 2021

Stjórn Lífsins óskar ykkur gleðilegs, gefandi og nærandi sumars enda verðskuldað eftir langan vetur í skugga heimsfaraldurs. Meðfylgjandi er fréttabréf sumars 2021!

Lesa meira

Fréttabréf Lífsins jól 2020

17. desember 2020

Stjórn Lífsins sendir félagsmönnum bestu óskir um gleðileg jól og heillaríkt komandi ár! Meðfylgjandi er Jólafréttabréf Lífsins!

Lesa meira

Þegar lífið fer á hvolf - grein um líknarmeðferð

15. október 2020

Katrín Edda Snjólaugsdóttir hjúkrunarfræðingur í líknarráðgjafarteymi Landspítalans skrifar fræðandi blaðagrein "Þegar lífið fer á hvolf" sem birt var 13/10/2020 á Vísi.

Greinina má nálgast hér: 

https://www.visir.is/g/20202024303d/thegar-lifid-fer-a-hvolf

Lesa meira

Viðtal við Guðlaugu Helgu Ásgeirsdóttur formann Lífsins á Hringbraut

14. október 2020

Stjórn Lífsins vekur athygli á áhugaverðu og fræðandi viðtali Lindu Blöndal sjónvarpskonu á Hringbraut við Guðlaugu Helgu Ásgeirsdóttur formann Lífsins. Guðlaug Helga starfar sem sjúkrahúsprestur við Líknardeild Landspítala í Kópavogi.

Tilefni viðtalsins var að upplýsa um líknarmeðferð almennt en einnig leiðrétta rangfærslur sem því miður hafa verið áberandi að undanförnu í kjölfar nýlegrar skýrslu ráðherra um dánaraðstoð. Í þeirri skýrslu gætir því miður misskilnings um hugtök, þar sem líknarmeðferð er ranglega talin vera tegund dánaraðstoðar. Alvarlegar athugasemdir hafa verið gerðar við ofangreinda skýrslu. 

Í meðfylgjandi hlekk má skoða viðtalið við Guðlaugu Helgu:

https://hringbraut.frettabladid.is/sjonvarp/21/liknarmedferd-er-ekki-danaradstod-og-sinfoniuhljomsveit-sudurlands-stofnud/

Lesa meira

Alþjóðlegur dagur líknarmeðferðar og Lífið - samtök um líknarmeðferð á Instagram

5. október 2020

Alþjóðlegur dagur líknarmeðferðar er laugardaginn 10. október 2020

Dagurinn er haldinn ár hvert til þess að vekja athygli á líknarmeðferð og fyrir hvað hún stendur.

Um er að ræða heildræna meðferð þar sem leitast er við að mæta líkamlegum, sálrænum, félagslegum og andlegum þörfum fólks með lífsógnandi og/eða langvinna sjúkdóma sem og fjölskyldum þess. Sérhæfð líknarmeðferð er veitt af líknarráðgjafateymi Landspítala, HERU - sérhæfðri líknarheimaþjónustu og á líknardeild Landspítala í Kópavogi.

Yfirskrift dagsins í ár er ,,Mín meðferð - Mín líðan".

Áhersla er á að meðferðin sé einstaklingsmiðuð og sniðin að þörfum hvers og eins.

Á næstu dögum verða birtir sérstakir fróðleiksmolar um líknarmeðferð á nýrri Instagram síðu Lífsins - Samtaka um líknarmeðferð:

https://www.instagram.com/lifid_samtok_um_liknarmedferd/

Lesa meira

Fréttabréf Lífsins sumarið 2020

Stjórn Lífsins sendir félagsmönnum bestu óskir um gleðilegt sumar. Meðfylgjandi er fréttabréf samtakanna fyrir vor og sumar!

22. júní 2020
Lesa meira

Aðalfundur Lífsins 28. maí 2020

13. maí 2020

Aðalfundur Lífsins - samtaka um líknarmeðferð verður haldinn í húsi Krabbameinsfélagsins, Skógarhlíð 8, 

 fimmtudaginn 28.maí 2020 kl. 17

Dagskrá:

  1. Kosning fundarstjóra og fundarritara
  2. Skýrsla formanns
  3. Reikningar lagðir fram til samþykktar
  4. Ákvörðun um félagsgjöld
  5. Kosning stjórnar skv. 4. grein
  6. Önnur mál.

Léttar veitingar og almennar umræður um stefnu og strauma í líknarmeðferð.

Lesa meira

PÁSKAKVEÐJA

Kæra félagsfólk, Stjórn Lífsins færir ykkur bestu óskir um velfarnað í lífi og starfi á þessum krefjandi tímum! Gleðilega páska og við horfum fram til vorkomunnar!

8. apríl 2020

Sunnan yfir sæinn breiða, sumarylinn vindar leiða.

Draumalandið himinheiða, hlær – og opnar skautið sitt. 

Vorið kemur, heimur hlýnar, hjartað mitt!

Gakk þú út í græna lundinn, gáðu fram á bláu sundin.

Mundu, að það er stutt hver stundin, stopult jarðneskt yndi þitt.

Vorið kemur, heimur hlýnar, hjartað mitt!

Allt hið liðna er ljúft að geyma, láta sig í vöku dreyma.

Sólskinsdögum síst má gleyma, – segðu engum manni hitt! 

Vorið kemur, heimur hlýnar, hjartað mitt! 

(Lag: Valgeir Guðjónsson, texti Jóhannes úr Kötlum)

Lesa meira

NÁMSTEFNA LÍFSINS

Vegna óvissu tengt COVID-19 hefur verið ákveðið að fresta námstefnu Lísfins.

8. mars 2020
Lesa meira

Námstefna Lífsins

Aldraðir og líknarþjónusta

2. mars 2020
Lesa meira

Fréttabréf Lífsins

1. tölublað 21. árg. 2019

6. desember 2019
Lesa meira

Alþjóðlegur dagur líknarmeðferðar 12. október 2019

11. október 2019

Alþjóðadagur líknarmeðferðar er haldinn hátíðlegur á ári hverju annan laugardag í október. Að þessu sinni ber hann upp á laugardaginn 12. október n.k. og yfirskriftin er ,,Mín meðferð, minn réttur".

Markmið dagsins er að vekja athygli á rétti fólks til líknarmeðferðar um allan heim en aðgengi að líknarmeðferð er ekki sjálfsagður hluti af heilbrigðisþjónustu í öllum löndum. Hvatt er til samtals meðal almennings, heilbrigðisstarfsfólks og yfirvalda um það hvað felst í því að veikjast af lífsógnandi sjúkdómi og hvernig við sem samfélag best getum veitt góða þjónustu til þeirra sem á henni þurfa að halda.

Sjá nánar hér: http://www.thewhpca.org/

Í tilefni af alþjóðadeginum fóru fulltrúar Lífsins í útvarpsviðtal sem má hlýða á hér:

https://www.ruv.is/utvarp/spila/mannlegi-thatturinn/23616?ep=7hlf2b

Af sama tilefni var birt grein á netmiðli Fréttablaðsins sem fá finna hér: 

https://www.frettabladid.is/skodun/liknarmedferd-ekki-eingongu-vid-lok-lifs/ 

Lesa meira

AÐALFUNDUR

Lífsins - samtaka um líknarmeðferð

14. maí 2019

Verður haldinn miðvikudaginn 29. maí 2019 n.k. kl: 16:30. Skógarhlíð 8.

Lesa meira

NÁMSTEFNA LÍFSINS

Menning, trú og siðir í tengslum við líkna og dauða

23. apríl 2019

Frestur til að skrá sig á Námstefnuna er til miðnættis, sunnudaginn 12. maí 2019 næstkomandi

Lesa meira

Námstefna Lífsins

Menning, trú og siðir í tengslum við líkn og dauða

5. mars 2019
Lesa meira

Jólakveðja

13. desember 2018

Stjórn Lífsins sendir félagsmönnum og öllu áhugafólki um líknarmeðferð nær og fjær okkar bestu óskir um gleðilega jólahátíð og gæfuríkt komandi ár, með þakklæti fyrir allt samstarf og stuðning á árinu sem er að líða. 

Meðfylgjandi er fréttabréf aðventunnar.

Af umhverfissjónarmiðum hefur verið ákveðið að senda fréttabréfin aðeins með rafrænum hætti til félagsmanna.

Lesa meira

Alþjóðlegur dagur líknarmeðferðar 13. október 2018

12. október 2018

Lífið vekur athygli á alþjóðlegum degi líknarmeðferðar (World Hospice and Palliative Care Day) sem haldinn verður hátíðlegur laugardaginn 13. október 2018.

Í ár er yfirskriftin "Because I matter" eða "Vegna þess að ég skipti máli".

Markmið með alþjóðlegum degi líknarmeðferðar hefur verið að breiða út boðskap og auka aðgengi að líknarmeðferð á alþjóðavísu. Það er þörf á vitundarvakningu og auknum skilningi á þörfum einstaklinga með lífsógnandi sjúkdóma, hvort sem þarfirnar eru af læknisfræðilegum, sálfélagslegum eða tilvistarlegum/trúarlegum toga.

Þema ársins 2018 snýr að reynslu þeirra sem þurfa eða hafa þurft á líknarmeðferð að halda, sjúklinga og aðstandenda.

Sjá nánar á eftirfarandi slóð http://www.thewhpca.org/world-hospice-and-palliative-care-day

Fylgist einnig með á Twitter #BecauseIMatter

Lesa meira

Aðalfundur Lífsins 2018

2. maí 2018 kl. 16:30 | Krabbameinsfélag Íslands, 4. hæð

Kæra félagsfólk.
Stjórn Lífsins boðar hér með til aðalfundar samtakanna þann 2. maí n.k. kl. 16:30.

Aðalfundur Lífsins- samtaka um líknarmeðferð verður haldinn í húsi Krabbameinsfélagsins,
Skógarhlíð 8, miðvikudaginn 2. maí 2018 kl. 16:30.

1. Kosning fundarstjóra og fundarritara
2. Skýrsla formanns
3. Reikningar lagðir fram til samþykktar
4. Ákvörðun um félagsgjöld
5. Kosning í stjórn – Samkvæmt 4 gr.
6. Önnur mál.
7. Léttar veitingar og almennar umræður um stefnur og strauma í líknarmeðferð.

Vonumst til að sjá ykkur sem flest !
Bestu kveðjur frá stjórn Lífsins.

Lesa meira

Námskeið Lífsins 2018

25. apríl 2018 kl. 9:00 - 16:00 | Safnaðarheimili Háteigskirkju
Lesa meira

Jólakveðja

21. desember 2017
Stjórn Lífsins sendir félagsmönnum og öllu áhugafólki um líknarmeðferð nær og fjær okkar allra bestu óskir um gleðileg jól og gæfuríkt komandi ár, með þakklæti fyrir gott samstarf og stuðning á líðandi ári.
Lesa meira

Glærur frá afmælismálþingi 6. október

27. október 2017

Málþing í tilefni af 30 ára afmæli Heimahlynningar, 20 ára afmæli líknarráðgjafateymis Landspítala og 10 ára afmæli Ráðgjafarþjónustu Krabbameinsfélagsins var haldið 6. október eins (sjá auglýsingu neðar á síðu). Hér má finna glærur þar sem við getum rifjað upp það sem þar fór fram.

Lesa meira

Alþjóðlegur dagur líknarmeðferðar 14. október 2017

13. október 2017

Guðlaug Helga Ásgeirsdóttir formaður Lífsins kynnir í þessu myndbandi alþjóðlegan dag líknarmeðferðar sem er verður haldinn hátíðlegur laugardaginn 14. október. Yfirskrift þessa árs er ,,Aðgengi að heilbrigðisþjónustu og líknarmeðferð á alþjóðavísu”.

Lesa meira

Afmælismálþing - Óður til framtíðar

14. september 2017

Kæra félagsfólk.

Stjórn Lífsins vekur athygli á áhugaverðu málþingi "Óður til framtíðar" í tilefni af 30 ára afmæli Heimahlynningar, 20 ára afmæli líknarráðgjafateymis Landspítala og 10 ára afmæli Ráðgjafaþjónustu Krabbameinssfélagsins. Málþingið verður haldið í Hringsal Landspítala við Hringbraut föstudaginn 6. október 2017 kl 13:00-16:00.

Lesa meira

Aðalfundur Lífsins 2017 mánudaginn 29. maí

Í húsi Krabbameinsfélagsins, Skógarhlíð 8

11. maí 2017

Kæra félagsfólk.
Stjórn Lífsins boðar hér með til aðalfundar samtakanna þann 29. maí n.k. kl. 17.00.

Félagsmönnum hefur borist tilkynning um lagabreytingu í tölvupósti og eru hvattir til að kynna sér það og koma með athugasemdir til stjórnar skv. lögum félgasins.
Hlökkum til að sjá ykkur sem flest.
Bestu kveðjur fyrir hönd stjórnar Lífsins,
Guðlaug Helga Ásgeirsdóttir, formaður

Lesa meira

Námskeið Lífsins 2017

Hluti af heild: Fjölskyldan og alvarleg veikindi

9. mars 2017

Lífið - samtök um líknarmeðferð hefur staðið að árlegum námskeiðum fyrir fagfólk undanfarin ár. Að þessu sinni mun vera lögð áhersla á mikilvægi þess að veita fjölskyldu og aðstandendum sérstaka athygli í alvarlegum veikindum. Námskeiðið ber því yfirskriftina:

Hluti af heild: Fjölskyldan og alvarleg veikindi

Námskeiðið verður í Háteigskirkju miðvikudaginn 26. apríl 2017. Dagskráin, sem spannar allan daginn, hefst kl. 8.30 en húsið opnar kl. 08.00. Dagskráin er í smíðum en verður birt á næstu dögum. Hvetjum við félagsmenn og alla þá sem hafa áhuga á málefnum líknarmeðferðar að taka daginn frá.

Skráning fer fram á vef Lífsins (lsl.is - Umsóknir og Skráning), þátttökugjald er 13.000 kr. fyrir félagsmenn, 18.000kr. fyrir aðra, en námsmenn borga 9.000kr. Innifalið í verði er hádegisverður og aðrar veitingar. Við minnum á styrki stéttarfélaga til að fá ráðstefnugjald endurgreitt.

Vonumst til að sjá þig.

Lesa meira

Samvera á aðventu

7. desember 2016

Samvera á aðventu fyrir syrgjendur í Grafarvogskirkju 8. desember

Samvera á aðventu fyrir syrgjendur verður haldin í Grafarvogskirkju 8. desember 2016 og hefst kl. 20:00.
Séra Guðrún Karls Helgudóttir leiðir stundina,

Erfitt getur verið að horfa fram til jóla þegar ástvinur hefur fallið frá. Samveran sem haldin er nú í sautjánda sinn er sérstaklega hugsuð til að styðja fólk í þessum aðstæðum.

Hamrahlíðakórinn syngur undir stjórn Þorgerðar Ingólfsdóttur.

Jóhannes M. Gunnarsson læknir les ritningarlestur.

Sr. Irma Sjöfn Óskarsdóttir flytur hugvekju.

Í lok stundarinnar verður haldin minningarstund þar sem kirkjugestir geta tendrað ljós og minnst þannig látinna ástvina sinna.
Boðið verður upp á léttar veitingar að stundinni lokinni. Samveran er túlkuð á táknmáli

Lesa meira

Alþjóðlegur dagur líknarmeðferðar 8. október 2016

"Að lifa og deyja í sársauka - það þarf ekki að vera raunin"

3. október 2016

Alþjóðlegur dagur líknarmeðferðar 8. október 2016

Alþjóðlegur dagur líknarmeðferðar er haldinn ár hvert. Tilgangurinn með deginum er að vekja athygli og auka skilning á líknarmeðferð og styðja við þá meðferð á alþjóðavettvangi. Hvert ár hefur ákveðna yfirskrift og er yfirskrift dagsins í ár: Að lifa og deyja í sársauka – Það þarf ekki að vera raunin (“Living and dying in pain: It doesn´t have to happen”).

Í tilefni af alþjóðlegum degi líknarmeðferðar er verið að vinna að heildaruppfærslu og endurskoðun á vefsíðu Lífsins – samtaka um líknarmeðferð www.lsl.is. Ný og endurbætt vefsíða verður tekin í notkun nú í októbermánuði. Heilbrigðisstarfsfólk er hvatt til þess að kynna sér hugmyndafræði líknarmeðferðar enn frekar. Aukin þekking á líknarmeðferð og efling líknarmeðferðar stuðlar að betri þjónustu við öll þau sem haldin eru lífsógnandi sjúkdómum sem og fjölskyldur þeirra.

http://www.visir.is/lifsgaedi-og-lifsognandi-sjukdomur/article/2016161009014

Lesa meira

Aðalfundur Lífsins verður haldinn 26. apríl

27. júlí 2016

Aðalfundur Lífsins- samtaka um líknarmeðferð verður haldinn í húsi Krabbameinsfélagsins, Skógarhlíð 8, þriðjudaginn 26. apríl 2016 kl. 17.00.

Lesa meira
  • Lífið samtök um líknarmeðferð
  • lsl@lsl.is